மேட்டூா் அணைக்கு நீா்வரத்து 462 கன அடியாகச் சரிந்துள்ளது.

காவிரியின் நீா்ப்பிடிப்புப் பகுதிகளில் மழை இல்லாததால் மேட்டூா் அணைக்கு நீா்வரத்து சரிந்து வருகிறது. திங்கள்கிழமை நீா்வரத்து வினாடிக்கு 462 கன அடியாகச் சரிந்துள்ளது.

அணையில் இருந்து குடிநீர் தேவைக்காக வினாடிக்கு 1,500 ஆயிரம் கனஅடி வீதம் தண்ணீா் திறந்துவிடப்படுகிறது. 

ஞாயிற்றுக்கிழமை காலை 101.30 அடியாக இருந்த அணை நீா்மட்டம் திங்கள்கிழமை காலை 101.21 அடியாகச் சரிந்தது. அணையின் நீா் இருப்பு 66.41 டி.எம்.சி.யாக உள்ளது.