பால் கொள்முதல் விலையை மேலும் உயர்த்தி வழங்க வேண்டும்: இபிஎஸ்

பால் கொள்முதல் விலையை மேலும் உயர்த்தி வழங்க அரசு நடவடிக்கை எடுக்க வேண்டும் என்று அதிமுக பொதுச்செயலரும் எம்எல்ஏவுமான எடப்பாடி பழனிசாமி வலியுறுத்தியுள்ளார்.

சட்டப்பேரவையில் கவன ஈர்ப்பு தீர்மானத்தில் பேசிய எம்எல்ஏ எடப்பாடி பழனிசாமி, அண்மையில் பால் விலையை அரசு உயர்த்தியது. 3 ரூபாய்தான் உயர்த்தப்பட்டிருக்கிறது. இன்றைக்கு தீவனத்தின் விலை அதிகமாகிவிட்டது. கால்நடை பராமரிப்புச் செலவும் அதிகமாகிவிட்டது.

அரசு அறிவித்த பால் கொள்முதல் விலை உயர்வு போதுமானதல்ல எனக் கூறி பால் உற்பத்தியாளர்கள் தமிழ்நாடு முழுவதும் ஆர்பபாட்டத்தில் ஈடுபட்டு வருகின்றனர். ஒரு லிட்டருக்கு பசும்பால் 50 ரூபாயும், எருமைப் பால் 60 ரூபாயும் உயர்த்தி வழங்க வேண்டும் என அவர்கள் கோரி வருகின்றனர்.

எனவே, அவர்களின் கோரிக்கையை பரிசீலித்து அரசு நடவடிக்கை எடுக்க வேண்டும் என்று தெரிவித்தார். இதற்கு பதிலளித்து பேசிய பால்வளத் துறை அமைச்சர் விஜயலட்சுமி, கடந்த ஆட்சியில் ஆவின் நிறுவனத்தின் நிதிநிலை பெரும் பின்னடைவைச் சந்தித்துள்ளது.

நிதிநிலைச் சுமையைக் காரணம் காட்டாமல், பால் விலையை முதலமைச்சர் உயர்த்தி வழங்கியிருக்கிறார். முதல்வர் விஜய் ஆட்சிப் பொறுப்பேற்று மூன்றே மாதங்களில், பால் கொள்முதல் விலையை உயர்த்தி வழங்கியுள்ளார் என்று தெரிவித்தார்.