தீபாவளி ரயில் டிக்கெட் முன்பதிவு: சில நிமிடங்களில் விற்றுத் தீர்ந்தன!

தீபாவளிக்கான ரயில் பயண முன்பதிவு இன்று(செப்.7) தொடங்கிய சில நிமிடங்களில் நிறைவடைந்ததால், பயணிகள் பலரும் ஏமாற்றமடைந்தனர்.

தெற்கு ரயில்வேயில் வழக்கமாக தீபாவளிக்கு 60 நாள்களுக்கு முன்னரே ரயில்களில் பயணிப்பதற்கான முன்பதிவு தொடங்குவது வழக்கம்.

நடப்பாண்டில் வரும் நவ. 8-ஆம் தேதி தீபாவளி திருநாள் கொண்டாடப்படுவதால், அதற்கான ரயில் முன்பதிவு ஞாயிற்றுக்கிழமை காலை 8 மணிக்குத் தொடங்கும் என அறிவிக்கப்பட்டிருந்தது.

அதன்படி, தீபாவளிக்கு சென்னையில் இருந்து தென் மாவட்டங்களுக்குச் செல்வோர் அதிக அளவில் ரயில்களில் முன்பதிவு செய்ய ஆா்வமாக இருந்தனர்.

முன்பதிவு செயலி ஞாயிற்றுக்கிழமை காலை 8 மணிக்கு செயல்படத் தொடங்கியது. ஆனால், சில நிமிடங்களிலேயே தீபாவளிக்கான முன்பதிவு ரயில் டிக்கெட்டுகள் கிடைக்காமல் போனது.

இந்த நிலையில் நவ. 6-ஆம் தேதி பயணத்துக்கான டிக்கெட் முன்பதிவு திங்கள்கிழமை (செப். 7) தொடங்கிய நிலையில், அவர்களுக்கான முன்பதிவும் சில நிமிடங்களுக்குள் முடிந்துவிட்டது.