குற்றாலத்தில் குவிந்த சுற்றுலாப் பயணிகள்

தென்காசி மாவட்டம் குற்றாலத்தில், விடுமுறை தினமான ஞாயிற்றுக்கிழமை ஏராளமான சுற்றுலாப் பயணிகள் குவிந்தனா்.

குற்றாலத்தில் கடந்த சில தினங்களாக சாரல் மழை இல்லாத நிலையிலும் பேரருவி, ஐந்தருவி, பழைய குற்றாலம், சிற்றருவி, புலியருவியில் தண்ணீா் சீரான அளவில் கொட்டுகிறது.

இதனால் அனைத்து அருவிகளிலும் சுற்றுலாப் பயணிகள் உற்சாகமாகக் குளித்து மகிழ்ந்தனா். சனி மற்றும் ஞாயிற்றுக்கிழமை விடுமுறை தினம் என்பதால் சுற்றுலாப் பயணிகளின் வருகை அதிகளவில் காணப்பட்டது.

தென்காசி மற்றும் குற்றாலம் பகுதியிலுள்ள அனைத்து தங்கும் விடுதிகளும் நிரம்பி வழிந்தன. இதனால் போக்குவரத்து நெரிசல் ஏற்பட்டது.