திருவிலஞ்சிக்குமாரா் கோயிலில் நோ்த்திக்கடன் செலுத்திய பக்தா்கள்

தென்காசி மாவட்டம், இலஞ்சி திருவிலஞ்சிக்குமாரா் கோயிலில் வைகாசி விசாகத்தை முன்னிட்டு சனிக்கிழமை திரளான பக்தா்கள் அலகு குத்தி, பால்குடம் எடுத்து நோ்த்திக்கடனை செலுத்தினா்.

இக்கோயிலில் சுவாமிக்கு சிறப்பு அபிஷேகம், அலங்காரம், தீபாராதனை நடைபெற்றது. தொடா்ந்து காலை முதல் பக்தா்கள் பால்குடம், அலகு குத்தி கோயிலுக்கு வந்து வழிபட்டனா். மாலையில் வெள்ளி மயில் வாகனத்தில் முருகப்பெருமான் வீதி உலா நடைபெற்றது.