சென்னையில் ஆபரணத் தங்கத்தின் விலை திங்கள்கிழமை காலை சவரனுக்கு ரூ. 200 குறைந்துள்ளது.

கடந்த வாரம் ஆபரணத் தங்கத்தின் விலையில் பெரிய மாற்றமின்றி விற்பனை செய்யப்பட்ட நிலையில், வார இறுதியில் சவரனுக்கு ரூ. 80 குறைந்து ரூ. 53,560-க்கு விற்பனை செய்யப்பட்டது.

இந்த நிலையில், வாரத்தின் முதல் நாளான இன்று ஆபரணத் தங்கத்தின் விலை சவரனுக்கு ரூ. 200 அதிரடியாக குறைந்துள்ளது. சென்னையில் ஒரு கிராம் ரூ. 6,670-க்கும், ஒரு சவரன் ரூ. 53,360-க்கும் விற்பனையாகி வருகின்றது.

அதேபோல், வெள்ளியில் விலையும் ஒரு கிராமுக்கு ஒரு ரூபாய் குறைந்து, ரூ. 91-க்கு விற்பனை செய்யப்படுகிறது. ஒரு கிலோ கட்டி வெள்ளியின் விலை ரூ. 91,000-ஆக உள்ளது.