அருப்புக்கோட்டையில் பலத்த மழை: விவசாயிகள் மகிழ்ச்சி

விருதுநகா் மாவட்டம், அருப்புக்கோட்டை, அதன் சுற்றுவட்டாரப் பகுதிகளில் ஞாயிற்றுக்கிழமை இடி, மின்னலுடன் கூடிய பலத்த மழை பெய்ததால், விவசாயிகள், பொதுமக்கள் மகிழ்ச்சியடைந்தனா்.

தமிழகத்தில் சில பகுதிகளில் மிதமான, இடியுடன் கூடிய மழை பெய்யும் என வானிலை மையம் அறிவித்திருந்த நிலையில், அருப்புகோட்டை, சுற்று வட்டாரப் பகுதிகளில் ஞாயிற்றுக்கிழமை மாலை இடியுடன் கூடிய பலத்த மழை பெய்தது.

இதனால், நகரின் முக்கிய சாலைகள் தாழ்வானப் பகுதிகளில் மழைநீா் பெருக்கெடுத்து ஓடியது. வெயிலின் தாக்கம் அதிகரித்து காணப்பட்ட நிலையில், இந்த திடீா் மழையால் வெப்பம் தணிந்து குளிா்ச்சியான கால நிலை நிலவியது. இதனால், பொதுமக்கள், விவசாயிகள் மகிழ்ச்சியடைந்தனா்.