சிரி... சிரி...

'உங்களை மறுபடியும் செக் பண்ணணும்.'
'டாக்டர்.. எத்தனை முறை செக் பண்ணாலும் எங்கிட்ட பணம் இல்லை...'

-ஏ.மூர்த்தி,
திருவள்ளூர்.

'டாக்டர்.. என் மனைவிக்கு பி.பி.. சுகர் இருக்கு..'
'நியாயப்படி உங்களுக்குதானே வந்திருக்கணும்...'

-அ.சுஹைல் ரஹ்மான்,
திருச்சி.

'முதல் பல்லைப் பிடுங்கும்போது வலி தெரியும். அடுத்த பல்லை பிடுங்கும்போது வலி தெரியாது..'
'அப்ப அடுத்த பல்லை முதலில் பிடுங்குங்க டாக்டர்...'



'ஆபரேஷன் பண்ணின்டா நல்லா படிக்க முடியுமா?'
'முடியும்..'
'அப்போ பத்தாம் கிளாஸ் படிக்கிற என் பையனுக்கு ஆபரேஷன் பண்ணுங்க டாக்டர்..'

-தீபிகா சாரதி,
சென்னை.

'இவர் உண்மையிலே டாக்டர் தானாங்கிற சந்தேகமா இருக்கு..'
'ஏன் சார்...'
'நாங்க மெயின் ரோடில்தான் ஆஸ்பத்திரி வச்சிருக்கோம். எதற்காக பைபாஸ் சர்ஜரி பண்ணனும்னு கேக்கறாரு..'

-பண்ருட்டி பரமசிவம்

'ஒரு மாசத்துக்கு உன் மனைவியை சமைக்கச் சொல்லிட்டியா...? ஏன்..'
'டாக்டர் பத்திய சாப்பாடு சாப்பிட சொல்லியிருக்கிறாரு?'



'ஆபிஸில் நைட் டியூட்டி வாங்கிட்டியா.. ஏன்டா..'
'பகல் தூக்கம் உடம்புக்கு ஆகாதுன்னு டாக்டர் சொன்னாரு...?'

-அ.செந்தில்குமார்,
சூலூர்.

'அந்த டாக்டர் ரொம்ப மோசம்..'
'ஏன்...'
'பயங்கரமா தொண்டை கட்டியிருக்குன்னு போனா, ஆபரேஷன் பண்ணி எடுத்துடவான்னு கேக்கறாரு...'

-வி.ரேவதி,
தஞ்சை.

'வாங்க... வாங்க.. இன்னிக்கு வர்ற பேஷன்ட் நீங்கதான்...'
'டாக்டர் நான் வேணா கொஞ்ச நேரம் வெயிட் பண்ணட்டுமா.. பீஸூக்கு பணம் கொண்டு வரலை. கடன்தான் சொல்லணும்..'



'தொழிற்சாலைக்கு பக்கத்துல கிளினிக் திறக்காதேன்னு சொன்னனே கேட்டியா...?'
'பாரு. ஆபரேஷன் பண்ணும்போதெல்லாம் சங்கு ஊதுறாங்க..?'

-ஏ.எஸ்.கோவிந்தராஜன்,
சென்னை.