பாட்டி வைத்தியம்!

செம்பருத்திப் பூ 10 எடுத்து ஒரு டம்ளர் நீரில்  5 மிளகு 2 ஏலக்காய் சேர்த்து கொதிக்க வைத்து அருந்தி வர இதய படபடப்பு இதய வலி, இதய குழாய்களில் அடைப்பு, ரத்த அழுத்தம் ஆகியவை சரியாகும்.

குப்பைமேனி இலைகளை நீரில் கொதிக்க வைத்து குடித்தால் குடல் புழுக்கள் அழியும், பருமன் மற்றும் கொழுப்பை குறைக்கும்.

அம்மான் பச்சரிசியின் பாலை முகப்பரு மீது தடவினால், முகப்பரு சரியாகும்.

சிறுநீர் உடலில் தேங்கினால் கை கால்களில் வீக்கம் உண்டாகும். கொத்துமல்லி விதைகளை தேநீராக்கி குடித்தால் சிறுநீர் உடலில் தேக்கி வைக்கப் படாமல் வெளியேறும் .

முடக்கத்தான் கீரையை உப்பு மிளகு சேர்த்து சூப் செய்து குடித்து வந்தால் உடல் வலி, வாத நோய்கள், பறந்துவிடும் .

மிளகுப் பொடியை தேனுடன் கலந்து இருவேளை சாப்பிட ஞாபக மறதி, உடல் சோர்வு, சளித் தொந்தரவுகள், நீங்கும்.

ஆண்டுக்கு இருமுறையாவது கைகளில் மருதாணி வைத்தால் மனம் தொடர்பான கோளாறுகள் நீங்கும். அதன் குளிர்ச்சி மூளைக்கு ஓய்வைத் தரும்.

முளைவிட்ட கொள்ளு சாப்பிட்டால் உடல் பருமன் குறையும், மூட்டுவலி நீங்கும்.

கற்பூரத்தையும், மிளகையும், தண்ணீரில் போட்டு நன்கு கொதிக்க வைத்து அதை ஒரு துணியில் நனைத்துச் சுளுக்கு உள்ள இடத்தில்  ஒத்தடம் கொடுக்க சுளுக்கு சரியாகும்.

இஞ்சி சாறும், சின்ன வெங்காய சாறும் தலா ஒரு தேக்கரண்டி கலந்து காலை வேளையில் குடித்து வர சர்க்கரை நோய் படிப்படியாக குறையும் தேவையான அளவு இன்சுலின் சுரக்கும்.

அரை தேக்கரண்டி சீரகம் தினம் தண்ணீரில்  கொடிக்க வைத்து குடித்தால் ரத்த அழுத்தம் சரியாகும்.

ஏலக்காயைப் போட்டு கொதிக்க வைத்த நீரில் வாய் கொப்பளித்தால் வாய் துர்நாற்றம்; ஈறுகளில் உண்டாகும் புண்கள் போன்றவை நீங்கும்.

புளிச்சக்கீரையை அரைத்து நெல்லிக்காய் அளவு சாப்பிட இருமல் குணமாகும். 

வேப்பம்பழத்தை டீ செய்து சாப்பிட்டால் பித்தம் தணியும், ரத்தத்தை சுத்திகரிக்கும், தோல் நோய்கள் குணமாகும்.