ஈரான் போர்: அதிபர் டிரம்ப்க்கு எதிராக செனட் சபையில் தீர்மானம் நிறைவேற்றம்!

ஈரானுக்கு எதிரான போரில் வளைகுடா நாடுகளில் நிலைநிறுத்தப்பட்டுள்ள ஆயுதப் படைகளைத் திரும்ப பெற அமெரிக்க செனட் சபையில் தீர்மானம் நிறைவேற்றப்பட்டுள்ளது.

அமெரிக்க நாடாளுமன்றத்தின் ஒப்புதல் இல்லாமல் ஈரானுக்கு எதிராக ராணுவ நடவடிக்கைகளில் ஈடுபட்டுவந்த அதிபர் டொனால்ட் டிரம்ப்பிரின் அதிகாரத்தைக் கட்டுப்படுத்த, ஜனநாயக்கட்சி தொடர்ந்து முயற்சிகளை மேற்கொண்டு வந்தது.

கடந்த ஒரு மாதத்துக்கு முன்னதாக, வளைகுடா நாடுகளில் நிலைநிறுத்தப்பட்டுள்ள ஆயுதப் படைகளைத் திரும்ப பெற வேண்டும் என செனட் சபையில் மசோதா தாக்கல் செய்யப்பட்டது.

இந்தத் தீர்மானத்துக்கு டிரம்ப்பின் குடியரசுக் கட்சியின் உறுப்பினர்களான சூசன் காலின்ஸ் (மெய்ன்), லிசா முர்கோவ்ஸ்கி (அலாஸ்கா), ராண்ட் பால் (கென்டக்கி) மற்றும் பில் காசிடி (லூசியானா)  ஆகியோர் ஆதரவாக வாக்களித்தனர்.

அதே நேரத்தில், ஜனநாயகக் கட்சியின் உறுப்பினர் ஜான் பெட்டர்மேன் (பென்சில்வேனியா) தீர்மானத்திற்கு எதிராக வாக்களித்தார். பிரதிநிதிகள் சபையில் 50-48 வாக்குகள்  அடிப்படையில் இந்தத் தீர்மானம் நிறைவேற்றப்பட்டது.

இந்தத் தீர்மானம் ஒரு கூட்டுத் தீர்மானம் என்பதால், இரு அவைகளிலும் நிறைவேற்றப்பட்ட போதிலும் இதற்கு அதிபர் டிரம்ப்பின் கையொப்பம் தேவையில்லை என்று வெள்ளை மாளிகை விளக்கம் அளித்துள்ளது. இந்தத் தீர்மானம் ஈரானுக்கு எதிராக அதிபர் டிரம்ப் எடுத்து வரும் ராணுவ நடவடிக்கைகளுக்கு பெரும் பின்னடைவை ஏற்படுத்தியுள்ளது.