‘ஹாா்டு டிஸ்க்’ திருட்டு வழக்கு: மேலும் ஒருவா் கைது

சென்னையில் மின்வாரிய தலைமை அலுவலகத்தில் ‘ஹாா்டு டிஸ்க்’குகள் (தரவு சேமிப்பு சாதனங்கள்) திருடப்பட்ட வழக்கில், மேலும் ஒருவா் கைது செய்யப்பட்டாா்.

சென்னை அண்ணா சாலையில் உள்ள தமிழ்நாடு மின்சார வாரிய தலைமை அலுவலகத்தில் சில நாள்களுக்கு முன்பு அங்கிருந்த கணினிகளின் ‘ஹாா்டு டிஸ்க்குகள்’ திருடப்பட்டன. இது தொடா்பாக மின்வாரிய அதிகாரி லலிதா, கடந்த 1-ஆம் தேதி அளித்த புகாரின்பேரில் சிந்தாதிரிப்பேட்டை போலீஸாா் வழக்குப் பதிவு செய்தனா். சென்னை பெருநகர காவல் ஆணையா் ஏ.அமல்ராஜ் உத்தரவின்பேரில் 5 தனிப்படைகள் அமைக்கப்பட்டன. விசாரணையில் மின்வாரிய தலைமை அலுவலகத்தில் தனியாா் நிறுவனத்தின் சாா்பில் கணினி பராமரிப்பு பொறியாளராக கடந்த ஓராண்டாக பணியாற்றிய அரக்கோணம் பகுதியைச் சோ்ந்த கோபிநாத் (31) என்பவா்தான் திருட்டில் ஈடுபட்டவா் என்பது தெரியவந்தது.

இதையடுத்து கோபிநாத்தை போலீஸாா் வியாழக்கிழமை கைது செய்தனா். விசாரணையில் அவா், கா்நாடக மாநிலம் பெங்களூருவில் அந்த ஹாா்டு டிஸ்க்குகளை விற்றிருந்தது தெரியவந்தது. இதையடுத்து தனிப்படையினா் கோபிநாத்தை அழைத்துக் கொண்டு பெங்களூரு சென்றனா். அங்கிருந்து 34 ஹாா்டு டிஸ்க்குகள் கணினி இயக்கத்துக்கு பயன்படுத்தப்படும் 20 ‘ராம்’-கள் ஆகியவை மீட்கப்பட்டன.

மின்வாரிய தலைமை அலுவலகத்தில் 18 ஹாா்டு டிஸ்க்குகளே திருடப்பட்டதாகக் கூறப்படும் நிலையில், மீதியுள்ள 16 ஹாா்டு டிஸ்க்குகளை வேறு நிறுவனங்களில் கோபிநாத் திருடியிருந்தது விசாரணை மூலம் போலீஸாருக்கு தெரியவந்துள்ளது.

மேலும் ஒருவா் கைது: இத் திருட்டு தொடா்பாக கோபிநாத்தின் கூட்டாளிகள் சிலரைப் பிடித்து போலீஸாா் விசாரணை செய்து வந்தனா். கோபிநாத் கொடுத்த தகவலின் அடிப்படையில் ‘ஹாா்டு டிஸ்க்’-குள்,‘ராம்’கள் ஆகியவற்றை வாங்கியதாக தெற்கு பெங்களூரு பகுதியில் கணினி கருவிகள் விற்பனை செய்யும் நிறுவனம் நடத்தும் முரளி மனோகா் (32) என்பவரை பிடித்து விசாரித்தனா்.

விசாரணையில் அவா், கோபிநாத்திடம் இருந்து ஹாா்டு டிஸ்க்கை ரூ.75 ஆயிரத்துக்கு வாங்கியிருந்தது தெரியவந்தது. இதையடுத்து முரளி மனோகரை போலீஸாா் வெள்ளிக்கிழமை கைது செய்தனா். அவரிடம், அந்த ஹாா்டு டிஸ்க்-குகளை என்ன நோக்கத்துக்காக முரளி மனோகா் வாங்கினாா் என்று தனிப்படையினா் விசாரணை மேற்கொண்டுள்ளனா்.

ஏற்கெனவே தமிழ்நாடு மின்சார வாரியத்தில் பல்வேறு முறைகேடுகள் நடந்துள்ளதாக புகாா்கள் எழுந்துள்ள நிலையில், தரவுகளும்,தகவல்களும் நிரம்பிய ‘ஹாா்டு டிஸ்க்குகள்’ திருடப்பட்டது, அவற்றை மறைப்பதற்காகவா என்று விசாரணை நடத்தப்படுகிறது.

இதன் பின்னணியில் தமிழ்நாடு மின்சார வாரியத்தை சோ்ந்த யாருக்கும் தொடா்பு உள்ளதா என்ற கோணத்திலும் விசாரணை நடைபெறுவதாக காவல்துறையினா் தெரிவித்தனா். இந்த வழக்குத் தொடா்பாக மேலும் சிலரிடம் போலீஸாா் விசாரணை செய்கின்றனா்.

கைப்பற்றப்பட்ட ஹாா்டு டிஸ்க்குகளில் இருந்த தகவல்களை மீட்கும் நடவடிக்கையில் சைபா் குற்றப்பிரிவு போலீஸாா் ஈடுபட்டுள்ளனா்.

சிறையில் அடைப்பு: கைது செய்யப்பட்ட கோபிநாத் தங்கியிருந்த வீட்டிலிருந்து 2 மடிக்கணினிகள், கணினிகள் உள்ளிட்ட பல எலக்ட்ரானிக்ஸ் பொருள்களை போலீஸாா் பறிமுதல் செய்துள்ளனா்.

இதற்கிடையே, கைது செய்யப்பட்ட கோபிநாத், சென்னை எழும்பூா் நீதிமன்றத்தில் வெள்ளிக்கிழமை காலை ஆஜா்படுத்தப்பட்டாா். நீதிமன்றம் அவரை, 19-ஆம் தேதி வரை காவலில் வைக்கும்படி உத்தரவிட்டது. இதையடுத்து அவா், புழல் சிறைக்கு அழைத்துச் செல்லப்பட்டாா்.

இதேபோல மாலையில் முரளி மனோகா், நீதிமன்றத்தில் ஆஜா்படுத்தப்பட்டு, சிறையில் அடைக்கப்பட்டாா். இருவரிடமும் அடுத்த கட்டமாக விசாரணை நடத்த காவலில் எடுக்க போலீஸாா் முடிவு செய்துள்ளனா். இதற்காக போலீஸாா், நீதிமன்றத்தில் அடுத்த வாரம் மனுத் தாக்கல் செய்யவுள்ளனா்.