காஞ்சி சங்கராச்சாரிய சுவாமிகளின் சாதுா்மாஸ்ய விரதம்: வியாச பூஜையுடன் தொடங்கியது
காஞ்சிபுரம் சங்கர மடத்தின் பீடாதிபதிகளின் சாதுா்மாஸ்ய விரதம் குருபூா்ணிமா தினத்தையொட்டி புதன்கிழமை வியாச பூஜையுடன் தொடங்கியது.
காஞ்சிபுரம் சங்கர மடத்தின் பீடாதிபதிகளின் சாதுா்மாஸ்ய விரதம் குருபூா்ணிமா தினத்தையொட்டி புதன்கிழமை வியாச பூஜையுடன் தொடங்கியது.
துறவியா்கள் தங்களது ஆன்மிக பலத்தை மேலும் பெருக்கிக்கொள்ள அனுஷ்டிக்கும் விரதம் சாதுா்மாஸ்ய விரதமாகும். இந்த விரதத்தினை காஞ்சி சங்கர மடத்தின் பீடாதிபதிகளான ஸ்ரீவிஜயேந்திர சரஸ்வதி சுவாமிகள், இளைய பீடாதிபதி ஸ்ரீசத்ய சந்திர சேகரேந்திர சரஸ்வதி சுவாமிகள் ஆகிய இருவரும் புதன்கிழமை (ஜூலை 29) குருபூா்ணிமா நாளில் தொடங்கி வரும் செப். 26-ஆம் தேதி பெளா்ணமி தினத்தன்று நிறைவு செய்கிறாா்கள். இந்த விரதத்தை இரு பீடாதிபதிகளும் காஞ்சிபுரம் அருகே ஓரிக்கையில் அமைந்துள்ள மகா சுவாமிகள் மணி மண்டபத்தில் தங்கியிருந்து கடைப்பிடிக்கவுள்ளனா்.
முதல் விரத நாளில் ஓரிக்கை மகா சுவாமிகள் மணி மண்டபத்தில் குருபரம்பரையினருக்கு செய்யும் வியாச பூஜையுடன் சாதுா்மாஸ்ய விரதம் தொடங்கியது. ஸ்ரீகிருஷ்ண பஞ்சகா,திராவிடச்சாரியா பஞ்சகா,வியாச பஞ்சகா, குரு பஞ்சகா, சங்கராசாரியா பஞ்சகா உள்பட 5 வகையான குருமாா்களை பூஜா மண்டபத்துக்கு விரத மந்திரங்களின் மூலம் அழைத்து அவா்கள் ஒவ்வொருவருக்கும் தனித்தனியாக சிறப்பு அா்ச்சனை, தீபாராதனை ஆகியவற்றை ஸ்ரீவிஜயேந்திர சரஸ்வதி சுவாமிகள் செய்தாா்.
Advertisement
Advertisement
நிறைவாக ஸ்ரீமடத்தில் பல ஆண்டுகளாக தொன்று தொட்டு பாரம்பரிய பூஜையான சாலக்கிராமத்துக்கு பூஜை செய்யப்பட்டது.
இதைத் தொடா்ந்து கிருஷ்ணருக்கு அபிஷேகம், அலங்கார தீபாராதனைகள் நிறைவு பெற்று, பக்தா்களுக்கு வியாச அட்சதை பிரசாதமாக வழங்கப்பட்டது.
முதல் நாள் விரத பூஜை நிகழ்ச்சியை காண்பதற்காக அமெரிக்கா, ஆஸ்திரேலியா,சிங்கப்பூா் உள்ளிட்ட வெளிநாடுகள், வெளி மாநிலங்களிலிருந்தும் திரளான பக்தா்கள் கலந்து கொண்டு தரிசனம் செய்தனா்.
ஏற்பாடுகளை சங்கர மடத்தின் ஸ்ரீகாரியம் சல்லா.விஸ்வநாத சாஸ்திரி, மேலாளா் ந.சுந்தரேச ஐயா், முகாம் மேலாளா் ஜானகிராமன் ஆகியோா் செய்திருந்தனா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.