தேசிய விண்வெளி தின அறிவியல் கண்காட்சி

தேசிய விண்வெளி தினத்தையொட்டி, காவலூா் வைனு பாப்பு ஆராய்ச்சி மையத்தில் அறிவியல் கண்காட்சி நடைபெற்றது. இதில் பல்வேறு பள்ளிகளிலிருந்து மாணவ-மாணவிகள், அறிவியல் ஆய்வாளா்கள் மற்றும் பொது மக்கள் ஆா்வமுடன் கலந்து கொண்டனா்.

காலை 10 மணிக்கு தொடங்கி மாலை 5 மணி வரையில் நடைபெற்ற நிகழ்ச்சியில் மாணவா்களின் அறிவியல் ஆா்வத்தைத் தூண்டும் வகையிலான சுவரொட்டி விளக்கக் காட்சிகளும், நேரடி அறிவியல் சோதனைகளும் இடம்பெற்றன. ஆராய்ச்சியாளா்களின் விளக்கங்கள் அனைவரையும் வெகுவாகக் கவா்ந்தன. மேலும், ஆராய்ச்சி மையத்தின் கட்டமைப்புகளை வாகனங்கள் மூலம் நேரில் சுற்றிப் பாா்த்து மாணவா்கள் தெரிந்து கொண்டனா்.

ஆசியாவின் மிகப்பெரிய வான் இயற்பியல் தொலைநோக்கி ஆய்வகத்தின் முன் நின்று மாணவ-மாணவிகள் புகைப்படங்கள் எடுத்து மகிழ்ந்தனா். தொடா்ந்து, இரவு 6.30 மணியளவில் சிறிய லென்ஸ் டெலஸ்கோப் மூலம் நிலா மற்றும் வெள்ளி கோள்களைப் பாா்வையாளா்கள் நேரடியாகக் கண்டு களித்தனா்.

விண்வெளி அறிவியலை மாணவா்கள் எளிதில் புரிந்து கொள்ளும் வகையில் அமைந்துள்ள இந்த அறிவியல் கண்காட்சி பொதுமக்களிடையே பெரும் வரவேற்பு பெற்றது.