கார் ஓட்டுநர் தற்கொலை

குடும்பத் தகராறு காரணமாக கார் ஓட்டுநர் தூக்கிட்டுத் தற்கொலை செய்து கொண்டது குறித்து புழல் போலீஸார் வழக்குப் பதிவு செய்து விசாரணை நடத்தி வருகின்றனர்.
சென்னை மாதவரத்தை அடுத்த புழல் லட்சுமிபுரம், திலகர் தெருவைச் சேர்ந்தவர் ஏழுமலை(27). இவர் தனியார் நிறுவனத்தில் கார் ஓட்டுநராக பணி புரிந்து வந்தார். இவரது மனைவி சித்ரா(22). இவர்களுக்கு தினேஷ் கார்த்திக் (4) என்ற மகன் உள்ளார். 
இந்நிலையில், குடும்பத் தகராறு காரணமாக அடிக்கடி சித்ரா கோபித்துக் கொண்டு தனது தாயார் வீட்டுக்குச் சென்று வந்துள்ளார். இதனால் விரக்தியடைந்த ஏழுமலை செவ்வாய்க்கிழமை மாலை வீட்டில் உள்ள மின்விசிறியில் தூக்கிட்டுத் தற்கொலை செய்து கொண்டார். இதுகுறித்து தகவல் அறிந்த புழல் போலீஸார் வழக்குப் பதிவு செய்து விசாரணை நடத்தி வருகின்றனர்.