வட்டாட்சியர் அலுவலகத்தில் மரம் நடும் விழா

 கும்மிடிப்பூண்டி வட்டாட்சியர் அலுவலகத்தில் செவ்வாய்க்கிழமை மரம் நடும் விழா நடைபெற்றது.
 நிகழச்சிக்கு மாவட்ட ஆட்சியர் மகேஸ்வரி ரவிகுமார் தலைமை வகித்தார். வட்டாட்சியர் அலுவலக வளாகத்தில் 100 மரக்கன்றுகள் நடப்பட்டன. தொடர்ந்து வருவாய்த் துறையினரிடம் பேசிய ஆட்சியர், வட்டாட்சியர் அலுவலகத்தில் மட்டுமல்லாது வருவாய்த் துறையினர் தங்கள் வீடுகளிலும் காலியிடங்கள் இருந்தால் மரக்கன்றுகளை நட்டு வளர்க்க வேண்டும் என வலியுறுத்தினார்.
அதைத் தொடர்ந்து வருவாய்த் துறையினருக்கு பணி ஆலோசனைகளை வழங்கினார். நிகழ்ச்சியில், தனி வட்டாட்சியர் தாமோதரன், துணை வட்டாட்சியர் செல்வகுமார் உள்ளிட்ட வருவாய்த் துறையினர் பங்கேற்றனர்.