விஜயகாந்த் நலம் பெற தங்கத் தேர் இழுத்து தேமுதிகவினர் வழிபாடு

தேமுதிக தலைவர் விஜயகாந்த் பூரண குணமடைய வேண்டி அக்கட்சியினர் தங்கத் தேர் இழுத்து வியாழக்கிழமை வழிபாடு செய்தனர். 
தேமுதிகவின் தலைவர் விஜயகாந்த் பூரண நலம் பெறவும், மீண்டும் கட்சிப் பணியாற்ற வேண்டியும் அக்கட்சியின் நிர்வாகிகள் பல்வேறு வழிபாடுகளை மேற்கொண்டு 
வருகின்றனர். 
இந்நிலையில், திருவள்ளூர் மேற்கு மாவட்ட தேமுதிக சார்பில் மாவட்டச் செயலாளர் திருத்தணி டி.கிருஷ்ணமூர்த்தி தலைமையில் அக்கட்சியினர் திருவேற்காடு தேவி கருமாரியம்மன் கோயிலில் தங்கத் தேர் இழுத்து வழிபாடு செய்தனர். 
இந்த நிகழ்ச்சியில் கீழனூர் சுந்தர், திருவேற்காடு நகரச் செயலாளர் வி.எஸ்.முனிரத்தினம், புஜ்ஜி முரளிகிருஷ்ணன் உள்ளிட்டோர் கலந்து கொண்டனர்.