ஊரக வளர்ச்சித் துறை அலுவலர்கள் சங்கக் கொடியேற்று விழா

தமிழ்நாடு ஊரக வளர்ச்சித் துறை அலுவலர்கள் சங்கத்தின் 32-ஆம் ஆண்டு தொடக்க விழாவை யொட்டி, செங்கம் ஊராட்சி ஒன்றிய 
அலுவலக வளாகத்தில் சங்கக் கொடியேற்று விழா புதன்கிழமை நடைபெற்றது.
விழாவுக்கு செங்கம் வட்ட கிளைத் தலைவர் ரவிந்திரநாதன் தலைமை வகித்தார். ஆணையாளர் சத்தியமூர்த்தி, வட்டார வளர்ச்சி அலுவலர் பழநி ஆகியோர் முன்னிலை வகித்தனர். மேலாளர் பாலசுப்பிரமணியன் வரவேற்றார்.
சிறப்பு அழைப்பாளராக சங்கத்தின் மாவட்ட துணைத் தலைவர் அண்ணாமலை கலந்துகொண்டு, சங்கக் கொடியேற்றி இனிப்புகளை வங்கினார். மேலும், சங்கத்தின் 32-ஆம் ஆண்டு தொடக்க விழாவையொட்டி, வரும் 15-ஆம் தேதி திருவண்ணாமலையில் ரத்த தான முகாம் மாவட்டத் தலைவர் பாஸ்கரன் தலைமையில் நடத்தப்பட உள்ளது. முகாமை மாவட்ட ஆட்சியர் கே.எஸ்.கந்தசாமி தொடக்கி வைக்கிறார். இதில், சங்க நிர்வாகிகள், உறுப்பினர்கள் கலந்துகொள்ள வேண்டும் என அவர் தெரிவித்தார்.
நிகழ்ச்சியில் துணை வட்டார வளர்ச்சி அலுவலர் வெங்கடேசன் மற்றும் ஊராட்சிச் செயலர்கள், செங்கம் ஊராட்சி ஒன்றியப் பணியாளர்கள் பலர் கலந்து கொண்டனர்.