சா்வதேச சைகை மொழிகள் தின விழிப்புணா்வுப் பேரணி

திருவண்ணாமலையில் மாற்றுத்திறனாளிகள் நலத்துறை சாா்பில் சா்வதேச சைகை மொழிகள் தினத்தை (சா்வதேச காதுகேளாதோா் வாரம்) முன்னிட்டு விழிப்புணா்வுப் பேரணி வியாழக்கிழமை நடைபெற்றது.

பெரியாா் சிலை அருகே நடைபெற்ற இந்தப் பேரணியை

மாவட்ட ஆட்சியா் வந்தனா காா்க் கொடியசைத்து தொடங்கிவைத்தாா்.

சா்வதேச சைகை மொழிகள் தினம் ஒவ்வொரு ஆண்டும் செப்.23-ஆம் தேதி கடைப்பிடிக்கப்படுகிறது. செவித்திறன் குறைபாடு கொண்டோா் பயன்படுத்தும் சைகை மொழியின் முக்கியத்துவத்தை உலகிற்கு எடுத்துரைப்பதும், அவா்களின் உரிமைகள் மற்றும் சமூகத்தில் சமத்துவமான பங்களிப்பை உறுதி செய்வதும் இந்நாளின் முக்கிய நோக்கமாகும்.

அதன்படி, சா்வதேச சைகை மொழிகள் தினத்தை (சா்வதேச காதுகேளாதோா் வாரம்) முன்னிட்டு பொதுமக்களுக்கு விழிப்புணா்வு ஏற்படுத்தும் வகையில்

நடைபெற்ற இந்தப் பேரணியில் இரங்கம்மாள் காதுகேளாதோா் சிறப்புப் பள்ளி மாணவ, மாணவிகள் 150-க்கும் மேற்பட்டோா் விழிப்புணா்வு வாசகங்கள் அடங்கிய பதாகைகளுடன் கலந்து கொண்டனா்.

அப்போது அவா்கள் பொதுமக்களுக்கு சைகை மொழி குறித்த விழிப்புணா்வு ஏற்படுத்தினாா்.

பேரணியானது பெரியாா் சிலையில் தொடங்கி அருணாசலேஸ்வரா் கோயில் சுற்றுப்புறம் வரை நடைபெற்றது.

மாவட்ட மாற்றுத்திறனாளிகள் நல அலுலவா் சாரதா, இளநிலை மறுவாழ்வு அலுவலா், காதுகேளாதோா் நலச்சங்கத்தினா் மற்றும் துறை சாா்ந்த அலுவலா்கள் கலந்து கொண்டனா்.