வேலூா் மாவட்ட வளா்ச்சிப் பணிகள்: கண்காணிப்பு அலுவலா் தொடா் ஆய்வு

வேலூா் மாவட்டம் மற்றும் மாநகராட்சிக்குட்பட்ட பகுதிகளில் வளா்ச்சித் திட்டப் பணிகளை மாவட்ட கண்காணிப்பு அலுவலரும், தமிழ்நாடு சுகாதார திட்ட இயக்குநருமான ச.உமா ஆய்வு செய்தாா்.

வேலூா் மாவட்ட கண்காணிப்பு அலுவலா் ச.உமா, செவ்வாய்க்கிழமை போ்ணாம்பட்டு, குடியாத்தம், அணைக்கட்டு பகுதிகளில் ஆய்வு மேற்கொண்டாா்.

பள்ளிகொண்டாவில் ரூ.3.45 கோடி மதிப்பில் அமையும் மகாகவி பாரதியாா் வாழ்வாதாரப் பூங்காவையும், குடியாத்தம் அரசு மருத்துவமனை, காகிதப்பட்டறை நகா்புற நல்வாழ்வு மையம் மற்றும் அடுக்கம்பாறை அரசு வேலூா் மருத்துவக்கல்லூரி மருத்துவமனை ஆகியவற்றின் பதிவேடுகள், சிகிச்சை முறைகளையும் தீவிரமாக ஆய்வு செய்தாா்.

தொடா்ந்து இரண்டாவது நாளாக புதன்கிழமை வேலூா் மாநகராட்சி மற்றும் அணைக்கட்டு பகுதிகளில் வளா்ச்சித் திட்டப் பணிகளை மாவட்ட கண்காணிப்பு அலுவலா் ச.உமா ஆய்வு செய்தாா். அப்போது, தாராபடவேடு ஹவுசிங் போா்டு பகுதியில் தூய்மை இந்தியா திட்டம் (நகா்ப்புறம்) 2.0-ன்கீழ் 4.31 ஏக்கா் பரப்பளவில் உள்ள 30,812 கன மீட்டா் பழைய கழிவுகளை பயோ மைனிங் முறையில் அகற்றும் பணியை பாா்வையிட்டாா். இங்கு மணிக்கு 40 கன மீட்டா் கழிவுகளை செயலாக்கும் திறன் கொண்ட 3 இயந்திரங்கள் நிறுவப்பட்டு, இதுவரை 15,449 கன மீட்டா் கழிவுகள் பதப்படுத்தப்பட்டுள்ளதை கேட்டறிந்தாா்.

பின்னா், ஓட்டேரியில் உள்ள 20 இலட்சம் லிட்டா் கொள்ளளவு கொண்ட மேல்நிலை நீா்த்தேக்க தொட்டியில் முறையாக குளோரினேசன் செய்யப்படுகிா என ஆய்வு செய்ததுடன், அப்பகுதி மக்களிடம் குடிநீா் மற்றும் தெரு விளக்கு வசதிகள் குறித்து கேட்டறிந்தாா். தொரப்பாடியில் உள்ள வேலூா் கால்நடை பன்முக மருத்துவமனைக்குச் சென்று மருந்து இருப்பு மற்றும் சிகிச்சை முறைகளை பாா்வையிட்டாா்.

அணைக்கட்டு வல்லண்டராமம் ஊராட்சி, மூலைகேட்டில் உள்ள தொடக்கப்பள்ளி, அங்கன்வாடி மையத்தில் மாணவா்களின் கற்றல் திறன் மற்றும் உணவின் தரத்தை ஆய்வு செய்தாா். அணைக்கட்டு கூட்டுறவு நியாய விலைக்கடையில் அரிசி, பருப்பு உள்ளிட்ட அத்தியாவசியப் பொருட்களின் இருப்பு மற்றும் தரத்தையும் ஆய்வு செய்தாா்.

இந்த ஆய்வுகளின் போது, வேலூா் மாவட்ட ஆட்சியா் பி.எஸ்.லீலா அலெக்ஸ், வேலூா் மாநகராட்சி ஆணையா் சுல்தானா, ஊரக வளா்ச்சி முகமை திட்ட இயக்குநா் (பொறுப்பு) ஜெயசுதா உள்பட பல்வேறு துறை உயா் அலுவலா்கள் உடனிருந்தனா்.