குப்பேபாளையம் ஊராட்சியில் மனுநீதி நாள் முகாம்

அன்னூர் ஒன்றியம், குப்பேபாளையம் ஊராட்சியில் மனுநீதி நாள் முகாம் புதன்கிழமை நடைபெற்றது.
முகாமுக்கு மாவட்ட ஆட்சியர் த.ந.ஹரிஹரன் தலைமை வகித்தார். சமூக பாதுகாப்புத் திட்டத் தனித் துணை ஆட்சியர் ஏழுமலை முன்னிலை வகித்தார். அன்னூர் வட்டாட்சியர் பழனிசாமி வரவேற்றார். இந்த முகாமில் குப்பேபாளையம் பகுதி பொதுமக்களிடமிருந்து 126 மனுக்கள் பெறப்பட்டன. அதில் 84 மனுக்கள் ஏற்கப்பட்டு அந்த மனுக்கள் மீது விரைந்து நடவடிக்கை மேற்கொள்ள அறிவுறுத்தப்பட்டது. 
மேலும் இந்த முகாமில் 87 பயனாளிகளுக்கு ரூ.7.32லட்சம்  மதிப்பிலான நலத்திட்ட உதவிகளை மாவட்ட ஆட்சியர் வழங்கினார். நிகழ்சியில் ஒருங்கிணைந்த குழந்தைகள் வளர்ச்சி திட்ட அலுவலர் பத்மாவதி, சமூக நல அலுவலர் தங்கமணி, வருவாய்த் துறை அதிகாரிகள், பொதுமக்கள் உள்ளிட்டோர் கலந்து கொண்டனர்.