குறிஞ்சி மருத்துவமனையை வாங்கியது: இந்துஸ்தான் கல்விக் குழுமம்

கோவை குறிஞ்சி மருத்துவமனையை இந்துஸ்தான் கல்விக் குழுமம் வாங்கியுள்ளது.
 கோவை, அவிநாசி சாலையில் நவ இந்தியா பகுதியில் குறிஞ்சி பல்நோக்கு சிறப்பு மருத்துவமனை கடந்த சில ஆண்டுகளாக செயல்பட்டு வருகிறது. இந்த மருத்துவமனையை இந்துஸ்தான் கல்விக் குழுமம் விலைக்கு வாங்கியுள்ளது. இதற்கான ஆவணங்களை ஒப்படைக்கும் நிகழ்ச்சி கோவையில் அண்மையில் நடைபெற்றது.
 இதில், குறிஞ்சி மருத்துவமனையின் தலைவர் டாக்டர் கே.சி.ராமசாமி முன்னிலையில், கம்பெனிகள் நிர்வாகத் தீர்ப்பாய பிரதிநிதி ரவிக்குமார் சம்பந்தப்பட்ட ஆவணங்களை இந்துஸ்தான் குழுமத்தின் தலைவர் டி.எஸ்.ஆர்.கண்ணையனிடம் முறைப்படி வழங்கினார். இந்த நிகழ்ச்சியில், பரோடா, பாரத ஸ்டேட் வங்கி, கார்ப்பரேஷன் வங்கிகளின் அதிகாரிகள் கலந்து கொண்டனர்.