பவானி சங்கமேஸ்வரர் கோயில், கூடுதுறையில் 125 திருமணங்கள்

பவானி சங்கமேஸ்வரர் கோயில், கூடுதுறையில் 125 க்கும் மேற்பட்ட திருமணங்கள் புதன்கிழமை நடைபெற்றன. இதனால், கோயில் வளாகம் புதுமணத் தம்பதிகள், உறவினர்கள் கூட்டமாகக் காணப்பட்டது. 
 முகூர்த்த நாளான புதன்கிழமை பவானி சங்கமேஸ்வரர் கோயில் வளாகத்தில் உள்ள சங்கமேஸ்வரர், வேதநாயகி அம்மன், ஆதிகேசவப் பெருமாள் கோயில் சன்னிதிகளில் 45 திருமணங்கள் நடைபெற்றன. உறவினர்கள் சூழ நடைபெற்ற இத்திருமணங்கள் அடுத்தடுத்து நடைபெற்றதால் கோயில்களில் கூட்டம் அதிகரித்துக் காணப்பட்டது.
 அதேநேரத்தில், பவானி - காவிரி ஆறுகள் சங்கமிக்கும் கூடுதுறை பகுதியில் 90 க்கும் மேற்பட் திருமணங்கள் நடத்தப்பட்டன. உள்ளூர், வெளியூர்களிலிருந்து வந்த ஜோடிகள் திருமணம் முடிந்து மாலையும், கழுத்துமாக அடுத்தடுத்து வாகனங்களில் புறப்பட்டுச் சென்றனர்.