பாஜக போராட்ட அறிவிப்பால்தான் திட்டம் செயல்பாட்டுக்கு வந்தது: ஜி.கே.நாகராஜ்
கே.அண்ணாமலை உண்ணாவிரதப் போராட்டம் அறிவித்ததால்தான் அத்திக்கடவு- அவிநாசி திட்டம் தொடங்கப்பட்டுள்ளது என்று பாஜக மாநில விவசாய அணி தலைவா் ஜி.கே.நாகராஜ் தெரிவித்தாா்.
பாஜக மாநிலத் தலைவா் கே.அண்ணாமலை உண்ணாவிரதப் போராட்டம் அறிவித்ததால்தான் அத்திக்கடவு- அவிநாசி திட்டம் தொடங்கப்பட்டுள்ளது என்று பாஜக மாநில விவசாய அணி தலைவா் ஜி.கே.நாகராஜ் தெரிவித்தாா்.
அத்திக்கடவு-அவிநாசி திட்ட தொடக்க விழாவில் பங்கேற்ற அவா் செய்தியாளா்களிடம் கூறியதாவது: அத்திக்கடவு- அவிநாசி திட்டத்தை 20 -ஆம் தேதிக்குள் தொடங்காவிட்டால் தொடா் உண்ணாவிரதப் போராட்டம் நடத்தப்படும் என்று மாநிலத் தலைவா் கே.அண்ணாமலை அறிவித்தாா். அதன் பின் வேகவேகமாக திட்டப் பணிகளை நிறைவு செய்து, தற்போது தொடங்கிவைத்துள்ளனா்.
தமிழகத்துக்கான எய்ம்ஸ், மெட்ரோ ரயில் திட்டங்களுக்கு மத்திய அரசு போதிய நிதி வழங்கவில்லை, குறைவாக நிதி வழங்குவதாக குற்றஞ்சாட்டுவது தவறு.
Advertisement
Advertisement
மெட்ரோ ரயில் திட்டத்துக்கு, மத்திய, மாநில, பிற நிதி அமைப்பு என 3 அமைப்புகள் நிதி வழங்குகின்றன. தமிழக அரசு அத்திட்டத்துக்கான நிலத்தைப் பெறுவது உள்ளிட்ட பணிகளை முடிக்காமல், நிதியை மட்டும் எதிா்பாா்க்கின்றனா். அதனால்தான் மத்திய அரசு நிதியை ஒதுக்காமல் உள்ளது. திட்டம் நிறைவேறும்போது தேவையான நிதி ஒதுக்கப்படும் என்றாா்.
அப்போது,மொடக்குறிச்சி எம்எல்ஏ சி.சரஸ்வதி உடனிருந்தாா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.