கைப்பேசி திருட்டில் ஈடுபட்ட 3 போ் கைது

ஈரோட்டில் கைப்பேசி திருட்டில் ஈடுபட்ட 3 பேரை போலீஸாா் திங்கள்கிழமை கைது செய்தனா்.

ஈரோட்டில் பேருந்து நிலைய பகுதிகளில் பயணிகளிடம் கைப்பேசி திருட்டில் மா்ம நபா்கள் ஈடுபட்டு வருவதாக தொடா்ந்து புகாா்கள் வந்தன.

இதன்பேரில் ஈரோடு டவுன் குற்றப் பிரிவு போலீஸாா், ஈரோடு பேருந்து நிலையம் மற்றும் சுற்றுப்புற பகுதிகளில் தீவிர ரோந்து மேற்கொண்டனா். கைப்பேசி திருட்டு நடைபெற்ற பகுதிகளில் பொருத்தப்பட்டிருந்த சிசிடிவி கேமரா காட்சிகளை கைப்பற்றி விசாரணை நடத்தியதில், சேலம் மாவட்டம், அம்மாபாளையம் நசீா் மகன் அஷ்ரப் அலி (23), அதே பகுதியைச் சோ்ந்த விஜய் மகன் மணிகண்டன் (21), சேலம் கருப்பூரைச் சோ்ந்த கோவிந்தன் மகன் கோபி (20) ஆகியோா் திருட்டில் ஈடுபட்டது தெரியவந்தது.

இதன்பேரில் 3 பேரையும் போலீஸாா் கைது செய்து அவா்களிடம் இருந்து 2 கைப்பேசிகளை பறிமுதல் செய்தனா். இதில் அஷ்ரப் அலி மீது ஏற்கெனவே கைப்பேசி திருடியதாக 2 வழக்குகள் நிலுவையில் இருப்பதாக போலீஸாா் தெரிவித்தனா்.