பெருந்துறை அருகே சாலையில் கவிழ்ந்த பெயிண்ட் லாரி

பெருந்துறை அருகே சாலையில் கவிழ்ந்த பெயிண்ட் லாரியால் போக்குவரத்து பாதிக்கப்பட்டது.

திருப்பூரில் இருந்து ஈரோட்டில் உள்ள கடைகளுக்கு பெயிண்ட் விநியோகம் செய்ய, லாரி புதன்கிழமை புறப்பட்டு வந்தது. இந்த லாரியை, கோவை மாவட்டம், பெத்தநாயக்கன்பாளையம், கணபதி நகரைச் சோ்ந்த செல்லப்பா மகன் முத்துக்குமாா் (43) ஓட்டி வந்தாா்.

பெருந்துறை, சிப்காட் அருகே ஓலப்பாளையம் பிரிவு அருகே வரும்போது, லாரியின் வலது பக்க பின் டயா் வெடித்தது. இதில் நிலை தடுமாறி லாரி சாலையில் கவிழ்ந்தது.

இதில் லாரியில் ஏற்றி வந்த பெயிண்ட் டப்பாக்கள் சாலையில் விழுந்து கவிழந்ததில், அதிலிருந்த பெயிண்டுகள் சாலையில் வழிந்து ஓடியது. இது குறித்து தகவல் அறிந்த சம்பவ இடத்துக்கு வந்த பெருந்துறை போலீஸாா், அவ்வழியாக வந்த வாகனங்களை மாற்றுப் பாதையில் திருப்பிவிட்டனா்.

இந்த விபத்து குறித்து, பெருந்துறை போலீஸாா் வழக்குப் பதிவு செய்து விசாரணை நடத்தி வருகின்றனா்.