பிளாஸ்டிக் ஒழிப்பு குறித்த விழிப்புணா்வு: மஞ்சப்பை வழங்கிய பள்ளி மாணவா்கள்
பிளாஸ்டிக் ஒழிப்பு குறித்து விழிப்புணா்வு ஏற்படுத்தும் வகையில், மொடக்குறிச்சியை அடுத்த கணபதிபாளையம் அரசு மேல்நிலைப் பள்ளி மாணவா்கள் பொதுமக்களுக்கு மஞ்சப்பை வழங்கினா்.
பிளாஸ்டிக் ஒழிப்பு குறித்து விழிப்புணா்வு ஏற்படுத்தும் வகையில், மொடக்குறிச்சியை அடுத்த கணபதிபாளையம் அரசு மேல்நிலைப் பள்ளி மாணவா்கள் பொதுமக்களுக்கு மஞ்சப்பை வழங்கினா்.
கணபதிபாளையம் அரசு மேல்நிலைப் பள்ளி சாா்பில் கடந்த 26-ஆம் தேதி முதல் அக்.2-ஆம் தேதி வரை நாட்டு நலப்பணித் திட்ட முகாம், அரசு ஆரம்பப் பள்ளி வளாகத்தில் நடைபெற்று வருகிறது. இங்கு பொதுமக்களிடையே விழிப்புணா்வு ஏற்படுத்தும் வகையில் பல்வேறு நிகழ்ச்சிகள் நடத்தப்பட்டு வருகின்றன. மேலும், சுகாதாரமான குடிநீா் குறித்தும் விழிப்புணா்வு ஏற்படுத்தி வருகின்றனா்.
இந்நிலையில், பிளாஸ்டிக் ஒழிப்பு குறித்த விழிப்புணா்வு ஏற்படுத்தும் வகையில் நாட்டு நலப்பணித் திட்ட முகாம் மூலமாக கணபதிபாளையம் பேருந்து நிறுத்தப் பகுதியில் பொதுமக்களுக்கும், பயணிகளுக்கும் மஞ்சப்பைகளை வியாழக்கிழமை வழங்கினா்.
Advertisement
Advertisement
இதில் மாவட்ட நாட்டு நலப்பணித் திட்ட அலுவலா் மீனாட்சிசுந்தரம், அரசு மேல்நிலைப் பள்ளித் தலைமை ஆசிரியை சுகுணா பிளாரன்ஸ், நாட்டு நலப்பணித் திட்ட அலுவலா் சா்மிளா, பள்ளி ஆசிரியைகள், மாணவ, மாணவிகள் ஆகியோா் கலந்துகொண்டனா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.