100 சதவீதம் வரி வசூல்: சத்தியமங்கலம் நகராட்சிக்குப் பாராட்டு

சொத்து வரி மற்றும் தொழில்வரி வசூலில் 100 சதவீதம் வசூல் செய்து சாதனை படைத்த சத்தியமங்கலம் நகராட்சி வருவாய் ஆய்வாளா்களுக்கு ஈரோடு மாவட்ட ஆட்சியா் கந்தசாமி புதன்கிழமை பாராட்டு தெரிவித்தாா்.

திருப்பூா் நகராட்சி மண்டத்தில் 24 நகராட்சிகள் உள்ளன. திருப்பூா் மண்டலத்தில் உள்ள நகராட்சிகளில் வரி இனங்கள் வசூலிப்பதில் சத்தியமங்கலம் நகராட்சி முதலிடம் வகித்துள்ளது. 2026-ஆம் நடப்பு அரையாண்டு மற்றும் எதிா்வரும் அரையாண்டுக்கான சொத்து வரி மற்றும் தொழில் வரி இனங்களை 100 சதவீதம் வசூலித்து இந்த நகராட்சி சாதனை படைத்துள்ளது.

சாதனை படைத்த வருவாய் ஆய்வாளா்கள் எம்.கணேஷ், இரா.குமாா் ஆகியோரை ஈரோடு மாவட்ட ஆட்சியா் எஸ்.கந்தசாமி, நகராட்சி ஆணையா் எஸ்.வெங்கடேஷ்வரன், நகராட்சித் தலைவா் ஆா்.ஜானகி ராமசாமி ஆகியோா் பாராட்டினா். அவா்களுக்கு நகராட்சி சாா்பில் பாராட்டுச் சான்றிதழ் மற்றும் பரிசுகள் வழங்கப்பட்டன.