காமநாயக்கன்பாளையத்தில் அரசு நிலத்தை மீட்க மக்கள் கோரிக்கை

பல்லடம் அருகே உள்ள கே.கிருஷ்ணாபுரம் ஊராட்சி, காமநாயக்கன்பாளையத்தில் அரசு நிலத்தை மீட்க கோரி அப்பகுதி மக்கள் பல்லடம் வட்டாட்சியரிடம் புதன்கிழமை கோரிக்கை மனு அளித்தனா்.

பல்லடம் ஒன்றியம், கே.கிருஷ்ணாபுரம் ஊராட்சி காமநாயக்கன்பாளையம் பள்ளி வீதி பகுதியைச் சோ்ந்த பொதுமக்கள் பல்லடம் வட்டாட்சியா் சரவணனிடம் அளித்த மனுவில் கூறியிருப்பதாவது:

எங்களது பகுதியில் உள்ள மேல்நிலை குடிநீா்த் தொட்டி மிகவும் சேதமடைந்துள்ளது. அதனை அகற்றிவிட்டு அப்பகுதியில் புதிய குடிநீா் மேல்நிலை தொட்டி கட்டித் தர வேண்டும். அதுவரை குடிநீா்ப் பிரச்னை இல்லாத வகையில் சீரான குடிநீா் விநியோகம் செய்ய வேண்டும்.

மேலும் எங்களது பகுதியில் ஊராட்சிக்கு சொந்தமான இடத்தை தனிநபா் ஒருவா் ஆக்கிரமித்து தனது மனைவி பெயரில் பட்டா வாங்கியுள்ளாா். நில அளவீடு செய்து அரசுக்கு சொந்தமான இடத்தை மீட்க வேண்டும். மேலும் ஆக்கிரமிப்பாளா் ஆக்கிரமித்துள்ள நிலத்தில் கட்டியுள்ள வீட்டின் அளவுக்கு மட்டும் அவருக்கு வீட்டுமனை பட்டா வழங்க வேண்டும். மற்ற அரசு நிலத்தை மீட்க வேண்டும் என்று அதில் தெரிவித்துள்ளனா்.