ஒசூர் நகர திமுக முன்னாள் செயலர் கட்சியில் இருந்து நீக்கம்

ஒசூர் நகர திமுக முன்னாள் செயலர் என்.எஸ்.மாதேஸ்வரன் கட்சியில் இருந்து நீக்கம் செய்யப்பட்டுள்ளார்.

இதுகுறித்து திமுக பொதுச் செயலாளர் க.அன்பழகன் வெளியிட்டுள்ள செய்திக் குறிப்பு:

கிருஷ்ணகிரி மேற்கு மாவட்டம், ஒசூர் நகரத்தைச் சேர்ந்த என்.எஸ். மாதேஸ்வரன் கட்சியின் கட்டுப்பாட்டை மீறியும், கட்சிக்கு அவப்பெயர் ஏற்படும் வகையிலும் செயல்பட்டு வந்ததால், அவரை அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் நீக்கம் செய்யப்பட்டுள்ளார்.

இவர் மீது கடந்த வாரம் ஒசூரில் இளம்பெண் தற்கொலைக்கு தூண்டியதாக நடைபெற்ற வழக்கில் ஓராண்டு சிறை தண்டனை விதிக்கப்பட்டு தற்போது ஜாமீன் பெற்றுள்ளார்.