சாலை விபத்தில் 3 போ் உயிரிழந்த வழக்கு: லாரி ஓட்டுநா் கைது

வேப்பனப்பள்ளி அருகே இருசக்கர வாகனம் மீது லாரி மோதிய விபத்தில் 3 போ் உயிரிழப்புக்கு காரணமான லாரி ஓட்டுநரை போலீஸாா் வியாழக்கிழமை கைது செய்தனா்.

மராட்டிய மாநிலத்தைச் சோ்ந்தவா் கவுஸ்ஷேக், மனைவி முஸ்கான் (28). மகன் புா்கான் (9) ஆகியோா் கிருஷ்ணகிரி மேல்சோமாா்பேட்டை பகுதியில் வசித்து வந்தனா். முஸ்கான் வேப்பனப்பள்ளி அருகே உள்ள தனியாா் பள்ளியில் இந்தி ஆசிரியராக பணியாற்றி வந்தாா்.

இந்நிலையில, பள்ளி முடிந்தவுடன் முஸ்கான், புா்கான் மற்றும் அதே பள்ளியில் சமூக அறிவியல் ஆசிரியராக பணியாற்றி வந்த கிருஷ்ணகிரி பழையபேட்டை பகுதியைச் சோ்ந்த சுதாராணி (40) மூவரும் இருசக்கர வாகனத்தில் கிருஷ்ணகிரி நோக்கி புதன்கிழமை சென்றனா்.

வேப்பனப்பள்ளி - கிருஷ்ணகிரி சாலையில் முஸ்லிம்பூரையடுத்த எகுடதம்பள்ளி அருகே சென்றபோது, அந்த வழியாக கா்நாடக மாநிலம், பங்காருபேட்டையிலிருந்து கிருஷ்ணகிரி நோக்கி வேகமாக கல்பாரம் ஏற்றிவந்த லாரி இருசக்கர வாகனம் மீது மோதியது. இதில், மூவரும் நிகழ்விடத்திலேயே உயிரிழந்தனா்.

இதுகுறித்து வேப்பனப்பள்ளி போலீஸாா் வழக்குப் பதிந்து, தலைமறைவான கிருஷ்ணகிரி அணை சாலையைச் சோ்ந்த லாரி ஓட்டுநா் வெங்கட்ராமனை (55) கைது செய்து விசாரித்து வருகின்றனா்.