இடும்பன் கோயில் தங்கம் திருட்டு வழக்கில் அலுவலா்களிடம் போலீஸாா் விசாரணை

பழனி இடும்பன் கோயிலில் நகை சரிபாா்ப்பின்போது, 142 கிராம் தங்கம், வெள்ளி வேல் மாயமான விவகாரத்தில் திண்டுக்கல் எஸ்.பி., ஜெயக்குமாா் செவ்வாய்க்கிழமை கோயில் செயல் அலுவலரிடம் விசாரணை மேற்கொண்டாா்.

பழனி புறவழிச்சாலையில் இடும்பன் கோயில் அமைந்துள்ளது. திண்டுக்கல் இந்து சமய அறநிலைத் துறையினரின் கட்டுப்பாட்டில் செயல்பட்டு வரும் இந்தக் கோயிலில் தைப்பூசம், பங்குனி உத்தரத் திருவிழாவின்போது பல்லாயிரக்கணக்கான பக்தா்கள் வந்து சுவாமி தரிசனம் செய்வது வழக்கம். இந்தக் கோயிலில் செயல் அலுவலராக இருந்த விமலா கடந்த சில மாதங்களுக்கு முன் வேறு பணிக்குச் சென்ற நிலையில் தற்காலிக செயல் அலுவலராக நரசிம்மன் பொறுப்பேற்றாா்.

அப்போது, நகை சரிபாா்ப்பின்போது சுமாா் 142 கிராம் தங்கம், 52 கிராம் வெள்ளி வேல் உள்ளிட்டவை மாயமாகி இருந்தது தெரியவந்தது. இதைத் தொடா்ந்து, திண்டுக்கல் அறநிலையத்துறை இணை ஆணையா், பழனி நகர காவல் ஆய்வாளா் ஆகியோரிடம் நரசிம்மன் புகாா் அளித்தாா். அதன் பேரில், கோயில் தக்காரான வழக்குரைஞா் ராஜா உயா் நீதிமன்றத்தில் வழக்குத் தொடா்ந்தாா்.

இந்த வழக்கை விசாரித்த நீதிபதிகள், இடும்பன் கோயில் நகைகள் மாயமானது தொடா்பான வழக்கில் தொடா்புடைய குற்றவாளிகளை விரைந்து கைது செய்ய வேண்டும் என உத்தரவிட்டது. இதைத் தொடா்ந்து, திண்டுக்கல் எஸ்.பி., ஜெயக்குமாா் செவ்வாய்க்கிழமை கோயிலுக்கு நேரில் வந்து செயல் அலுவலா் நரசிம்மன், முன்னாள், இந்நாள் பணியாளா்களிடம் சுமாா் இரண்டு மணி நேரம் விசாரணை செய்தாா். மேலும், அலுவலகத்தின் பெட்டகங்கள், லாக்கா்கள் போன்றவற்றையும் பாா்வையிட்டாா். அப்போது பழனி டி.எஸ்.பி., தேவராஜ், ஆய்வாளா் தங்கமுனியசாமி உள்ளிட்ட பலா் உடனிருந்தனா்.