மேலூர் ஆஞ்சநேயர் கோயில் கும்பாபிஷேகம்

மேலூர் கொன்னைமஸ்தான் அவுலியா தர்கா அருகிலுள்ள ஆஞ்சநேயர் கோயில் கும்பாபிஷேகம் புதன்கிழமை நடைபெற்றது.
அழகர்கோவிலில் உள்ள கள்ளழகர் கோயில் நிர்வாகத்துக்கு உள்பட்ட இக்கோயில் திருப்பணி கடந்த நான்கு ஆண்டுகளுக்கு முன் தொடங்கப்பட்டது. கோயிலில் சிதிலமடைந்த பகுதிகள் புதுப்பிக்கப்பட்டு, தரைத்தளம் கிரானைட் கற்கள் பதிக்கப்பட்டுள்ளன.
 இந்நிலையில் கும்பாபிஷேகத்தையொட்டி யாக சாலை பூஜைகள் கள்ளழகர் கோயில் பட்டர் அம்பி தலைமையில் நடைபெற்றது. புதன்கிழமை காலை 10 மணியளவில் கும்பாபிஷேகம் நடைபெற்றது. மேலூர் தொகுதி சட்டப்பேரவை உறுப்பினர் பெரியபுள்ளான் (எ) செல்வம் மற்றும் கோயில் அலுவலர்கள் மற்றும் பணியாளர்கள் உள்பட பலர் கலந்து கொண்டனர்.