7 கிராம நிர்வாக அலுவலர்கள் இடமாற்றம்

திருப்பரங்குன்றம் தாலுகாவுக்கு உள்பட்ட பகுதிகளில் கிராம நிர்வாக அலுவலர்கள் 7 பேர் இடமாற்றம் செய்யப்பட்டுள்ளனர்.
 மதுரை வருவாய் கோட்டாட்சியர் உத்தரவின் பேரில், திருப்பரங்குன்றம் வட்டாட்சியர் சுரேஷ் இதற்கான உத்தரவை பிறப்பித்துள்ளார். அதன்படி, திருப்பரங்குன்றத்தில்  பணியாற்றிய ராஜா தொட்டியபட்டிக்கு மாற்றப்பட்டார். மேலும் அவர் பெரிய ஆலங்குளம் கிராமத்தில் கூடுதல் பொறுப்பாகவும் நியமிக்கப்பட்டுள்ளார். தோப்பூரில் பணியாற்றிய அழகேசன் திருப்பரங்குன்றத்துக்கும், வேடர்புளியங்குளத்தில் பணியாற்றிய செல்வி எலியார்பத்திக்கும், எலியார்பத்தியில் பணியாற்றிய கதிரேசன் தோப்பூருக்கும் மாற்றப்பட்டனர்.
 மேலநெடுங்குளத்தில் பணியாற்றிய முகமது அப்பாஸ் வேடர்புளியங்குளத்துக்கும், தனக்கன்குளத்தில் பணியாற்றிய பொன்.ராஜ் மாடக்குளத்துக்கும், தொட்டியபட்டியில் பணியாற்றிய யாசிம்பானு, தனக்கன்குளத்துக்கும் இடமாற்றம் செய்யப்பட்டுள்ளனர். அவர்கள் புதன்கிழமை அந்தந்த பகுதிகளில் பொறுப்பேற்றுக் கொண்டனர்.