ஆட்டோ கவிழ்ந்து ஓட்டுநர் சாவு

ராமேசுவரத்தில் புதன்கிழமை ஆட்டோ கவிழ்ந்ததில் அதன் ஓட்டுநர் உயிரிழந்தார்.
ராமேசுவரம் சல்லிமலை தெருவைச் சேர்ந்த வீரபத்திரன் மகன் வீரராகவன்(30). ஆட்டோ ஓட்டுநரான இவரும்  இவரது நன்பர் சூரியா (25) என்பவரும் ஆட்டோவில் பேருந்து நிலையத்திற்கு சென்றுள்ளனர்.  பேருந்து நிலையம் அருகே செல்லும்போது ஆட்டோ நிலை தடுமாறி கவிழ்ந்து விபத்துள்ளானது. இதில் வீரராகவன் தலையில் அடிபட்டு பலத்த காயம் அடைந்தார். ராமேசுவரம் அரசு மருத்துவமனைக்கு சிகிச்சைக்காக  கொண்டு செல்லும் வழியில் அவர் உயிரிழந்தார். உடன் சென்ற நண்பர் சிறிய காயத்துடன் தாப்பினர். இச்சம்பவம் தொடர்பாக நகர் காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.