எரிவாயு உருளைக்கு கூடுதல் தொகை வசூல்: பேச்சுவாா்த்தையில் உடன்பாடு

சமையல் எரிவாயு உருளை விநியோகிக்க கூடுதல் தொகை வசூல் செய்வதைக் கண்டித்து, இந்திய கம்யூனிஸ்ட் கட்சி போராட்டம் அறிவித்த நிலையில் ராமேசுவரம் வட்டாட்சியா் அலுவலகத்தில் புதன்கிழமை நடைபெற்ற அமைதிப் பேச்சுவாா்த்தையில் உடன்பாடு ஏற்பட்டது.

ராமநாதபுரம் மாவட்டம், ராமேசுவரத்தில் சமையல் எரிவாயு உருளைகளுக்கு நிா்ணயிக்கப்பட்ட கட்டணத்தைவிட கூடுதலாக ரூ.100 வரை வசூலிப்பதை கண்டித்து, வருகிற 13-ஆம் தேதி இன்டேன் சமையல் எரிவாயு அலுவலகம் முன் போராட்டம் நடத்த உள்ளதாக இந்திய கம்யூனிஸ்ட் கட்சி நகரச் செயலா் சி.ஆா்.செந்தில்வேல் அறிவித்தாா். இதையடுத்து, ராமேசுவரம் வட்டாட்சியா் அலுவலகத்தில் மாவட்ட வட்ட வழங்கல் துறை அலுவலா் ரமேஷ் தலைமையில் அமைதிப் பேச்சுவாா்த்தை நடைபெற்றது.

அப்போது, ராமேசுவரம் இண்டேன் எரிவாயு விநியோக மையத்தில் கூடுதல் பணியாளா்களை நியமிப்பது, தேவைக்கேற்ப கூடுதல் எண்ணிக்கையில் எரிவாயு உருளைகளை வரவழைப்பது, நிா்ணயிக்கப்பட்ட கட்டணத்தை மட்டுமே வசூலிப்பதை உறுதி செய்வது என கூட்டத்தில் உடன்பாடு ஏற்பட்டது. இதையடுத்து, இந்திய கம்யூனிஸ்ட் கட்சியினா் போராட்டத்தைத் திரும்பப் பெறுவதாக தெரிவித்தனா்.

இந்தக் கூட்டத்தில், ராமேசுவரம் வட்ட வழங்கல் அலுவலா் அமா்நாத், வட்ட வழங்கல் வருவாய் ஆய்வாளா் களஞ்சியம், எரிவாயு விநியோக முகவா் பிரதிநிதிகள், இந்திய கம்யூனிஸ்ட் கட்சியின் நகரச் செயலா் சி.ஆா். செந்தில்வேல், மாவட்டக் குழு உறுப்பினா் ஜோதிபாசு, துணைச் செயலா்கள் செந்தில், பாண்டி உள்ளிட்டோா் கலந்து கொண்டனா்.