தொழில் நல்லுறவு விருது பெற விண்ணப்பிக்கலாம்

தொழில் நல்லுறவு விருது பெற விரும்பும் சிவகங்கை மாவட்டத்தைச் சேர்ந்த வேலையளிப்பவர்கள் மற்றும் தொழிற் சங்கங்கள் விண்ணப்பிக்கலாம்.
  இது குறித்து சிவகங்கை மாவட்ட தொழிலாளர் நலத்துறையின் உதவி ஆணையர் சீ.மைவிழிச்செல்வி புதன்கிழமை வெளியிட்டுள்ள செய்திக் குறிப்பு: 
வேலையளிப்பவர்கள் மற்றும் தொழிலாளர்கள் இடையே தொழில் அமைதியும், நல்ல தொழில் உறவு நிலவுவதை ஊக்குவிக்கும் பொருட்டு தமிழக அரசு தொழில் நல்லுறவு விருது வழங்கும் திட்டத்தை செயல்படுத்தி வருகிறது.  அந்த வகையில், 2017 ஆம் ஆண்டிற்கான விருது பெற விரும்பும் சிவகங்கை மாவட்டத்தைச் சேர்ந்த வேலையளிப்பவர்கள் 
மற்றும் தொழிற் சங்கங்கள்  ‌w‌w‌w.‌l​a​b‌o‌u‌r.‌t‌n.‌g‌o‌v.‌i‌n என்ற இணையதளத்தில் விண்ணப்பங்களை பதிவிறக்கம் செய்து விண்ணப்பிக்கலாம். 
இதுதொடர்பான கூடுதல் விவரங்களுக்கு சிவகங்கையில் உள்ள தொழிலாளர் உதவி ஆணையர் அலுவலகத்திற்கு நேரடியாகச் சென்று தெரிந்து கொள்ளலாம் என அதில் குறிப்பிடப்பட்டுள்ளது.