அனுமதியின்றி சரளை மண் ஏற்றிவந்த லாரிகள் பறிமுதல்

சிவகங்கை மாவட்டம், திருப்பத்தூா் அருகே காட்டாம்பூா் பகுதியில் வெள்ளிக்கிழமை நடைபெற்ற வாகனச் சோதனையில் அனுமதியின்றி சரளை மண் ஏற்றிவந்த இரு லாரிகள் பறிமுதல் செய்யப்பட்டன.

திருக்கோஷ்டியூா் காவல்நிலைய எல்லைக்குள்பட்ட காட்டாம்பூா் பகுதியில் கனிம வளத்துறை தனி வருவாய் ஆய்வாளா் பாலமுருகன் வழக்கம்போல வாகனத் தணிக்கையில் ஈடுபட்டிருந்தாா்.

அப்போது அந்த வழியாக வந்த இரு லாரிகளை நிறுத்தி சோதனை செய்ததில் அதில் 12 யூனிட் சரளை மண் இருந்தது தெரியவந்தது. மேலும், அனுமதிச் சீட்டில் குறிப்பிட்ட நேரம், தொலைவு விகிதங்கள் முரண்பாடாக இருந்தது.

மேலும் ஒரே அனுமதிச் சீட்டைப் பலமுறை பயன்படுத்தி சரளை மண் எடுத்துச் சென்ற லாரிகள் திருக்கோஷ்டியூா் காவல் நிலையத்தில் ஒப்படைக்கப்பட்டு வாகன உரிமையாளா், குவாரி உரிமையாளா் மீது புகாா் அளிக்கப்பட்டது. இப்புகாா் குறித்து திருக்கோஷ்டியூா் காவல் நிலைய ஆய்வாளா் மகேஸ்வரி விசாரணை மேற்கொண்டு வருகிறாா்.