பெரியகுளம் அருகே வீடுபுகுந்து நகை திருட்டு

பெரியகுளம் அருகே வீடுபுகுந்து நகை திருடிய மர்ம நபர்களை போலீஸார் தேடி வருகின்றனர்.
பெரியகுளம் அருகே ஜி.கல்லுப்பட்டியை சேர்ந்தவர் பிரதாப் (26). இவர் கடந்த அக்டோபர் 17 ஆம் தேதி வீட்டை பூட்டி விட்டு சென்னைக்கு சென்றார். பின்னர் கடந்த செவ்வாய்க்கிழமை இரவு வீட்டிற்கு வந்து பார்த்தபோது வீட்டின் பூட்டு உடைக்கப்பட்டு, பீரோவில் வைத்திருந்த 9 பவுன் நகைகள் திருடு போயிருந்ததது தெரியவந்தது. 
இச்சம்பவம் குறித்து அவர் தேவதானப்பட்டி காவல்நிலையத்தில் அளித்த புகாரின் போலீஸார் வழக்குப்பதிவு செய்து விசாரித்து வருகின்றனர்.