சட்டவிரோதமாக மதுப்புட்டிகள் விற்றவா் கைது

தேனி மாவட்டம், உத்தமபாளையம் அருகே சுருளிப்பட்டியில் சட்டவிரோதமாக மதுப்புட்டிகள் விற்பனை செய்தவரை போலீஸாா்

திங்கள்கிழமை கைது செய்து, அவரிடமிருந்த 54 மதுப் புட்டிகளை பறிமுதல் செய்தனா்.

ராயப்பன்பட்டி, இதைச்சுற்றிய சுருளிப்பட்டி, கே.கே.பட்டி, சுருளி அருவி போன்ற பகுதிகளில் சட்டவிரோதமாக மது விற்பனை நடைபெறுவதாக போலீஸாருக்கு தகவல் கிடைத்தது. இதையடுத்து, ராயப்பன்பட்டி போலீஸாா் மேற்கொண்ட சோதனையில், சுருளிப்பட்டியில் கூட்டாறு செல்லும் சாலையில் சுருளிப்பட்டியை சோ்ந்த குமரேசன் (42) சட்டவிரோதமாக மதுப்புட்டிகளை பதுக்கி விற்பனை செய்தது தெரியவந்தது. இதையடுத்து, அவரை போலீஸாா் கைது செய்து, அவரிடமிருந்து 54 மதுப்புட்டிகளை பறிமுதல் செய்தனா்.