விருதுநகரில் மொபட் மீது லாரி மோதி இளைஞர் சாவு

விருதுநகரில் புதன்கிழமை இரவு இரு சக்கர வாகனம் (மொபட்) மீது லாரி மோதியதில்  இளைஞர் சம்பவ இடத்தில் உயிரிழந்தார்.
 விருதுநகர் மாவட்டம் கல்குறிச்சி அருகே உள்ள சமத்துவபுரத்தை சேர்ந்தவர் பெரியகருப்பன் மகன் விஜயகுமார் (22). இவர், சொந்த வேலை காரணமாக புதன்கிழமை இரவு 10.30 மணிக்கு விருதுநகருக்கு இரு சக்கர வாகனத்தில் வந்துள்ளார். விருதுநகர் தலைமை அஞ்சலகம் அருகே வந்த போது, பின்னால் வந்த லாரி இவரது வாகனத்தின் மீது மோதியது. இதில், விஜயகுமார் சம்பவ இடத்தில் உயிரிழந்தார். 
    இது குறித்து விருதுநகர் கிழக்கு போலீஸார் வழக்குப் பதிவு செய்து, லாரி ஓட்டுநரான விருதுநகர் ஆனைக்குழாய் தெருவை சேர்ந்த மாரியப்பன்(45) என்பவரை கைது செய்து விசாரித்து வருகின்றனர்.