இரு சக்கர வாகனங்கள் மோதல்: இளைஞர் சாவு; 2 பேர் காயம்

ஸ்ரீவில்லிபுத்தூர் அருகே புதன்கிழமை இரு சக்கர வாகனங்கள் மோதியதில் இளைஞர் சம்பவ இடத்திலேயே உயிரிழந்தார். இதில் 2 பேர் காயம் அடைந்தனர்.
வத்திராயிருப்பு அருகேயுள்ள சேதுநாராயணபுரத்தைச் சேர்ந்தவர் சண்முகம் மகன் சரவணகுமார் (30). இவரும் இதே பகுதியைச் சேர்ந்த லி.சுந்தரமூர்த்தியும் (36) இரு சக்கர வாகனத்தில் புதன்கிழமை வத்திராயிருப்பு-கிருஷ்ணன்கோவில் சாலையில் சென்று கொண்டிருந்தனர். வாகனத்தை சரவணக்குமார் ஓட்டி சென்றார். 
சேசபுரம் விலக்கு அருகே சென்ற போது எதிரே வந்த வ.புதுப்பட்டி, இந்திராநகரைச் சேர்ந்த நாகராஜ் என்பவர் ஓட்டி வந்த மற்றொரு இரு சக்கர வாகனமும் சரவணக்குமாரின்  இரு சக்கர வாகனமும் நேருக்கு நேர் மோதிக் கொண்டன. இதில் சரவணக்குமார் சம்பவ இடத்திலேயே உயிரிழந்தார். மற்ற இருவரும் காயம் அடைந்தனர். 
இது குறித்து கிருஷ்ணன்கோவில் காவல் நிலைய போலீஸார் வழக்குப் பதிவு செய்து விசாரித்து வருகின்றனர்.