சாத்தூர் அருகே திமுக தொண்டரின் குடும்பத்தினருக்கு ரூ. 2 லட்சம் நிதியுதவி

திமுக தலைவர் கருணாநிதி மரணமடைந்த செய்தி கேட்டு சாத்தூர் அருகே உயிரிழந்த அக்கட்சி தொண்டரின் குடும்பத்திற்கு நிதியுதி வழங்கப்பட்டது.
திமுக தலைவர் கருணாநிதி மரணமடைந்த செய்தி கேட்டு விருதுநகர் மாவட்டம் சாத்தூர் அருகே கலைஞர் காலனியில் உள்ள சுப்பையன் என்ற கூலி தொழிலாளி மாரடைப்பால் உயிரிழந்தார். அவரது குடும்பத்தினருக்கு அக்கட்சி சார்பில் ரூ.2 லட்சம் நிதி வழங்கப்பட்டது. 
இதையடுத்து வியாழக்கிழமை காலை விருதுநகர் தெற்கு மாவட்ட செயலாளரும், அருப்புக்கோட்டை சட்டப்பேரவை உறுப்பினருமான கே.கே.எஸ்.எஸ்.ஆர்.ஆர்.ராமச்சந்திரன் தலைமையிலான நிர்வாகிகள் கலைஞர் காலனியில் உள்ள சுப்பையன் வீட்டிற்கு சென்றனர். சுப்பையன் உருவப் படத்திற்கு மாலை அணிவித்து மரியாதை செலுத்தினர். பின்னர் அக்கட்சி சார்பில் வழங்கப்பட்ட ரூ.2 லட்சத்திற்கான காசசோலையை அவரது குடும்பத்தினருக்கு வழங்கினர். இதில் திமுக நிர்வாகிகள், அப்பகுதி பொதுமக்கள் உள்ளிட்டோர் கலந்து கொண்டனர்.