திருவாரூர் மாவட்டத்தில் இதுவரை 186 விநாயகர் சிலைகள் பிரதிஷ்டை

திருவாரூர் மாவட்டத்தில் 186 விநாயகர் சிலைகள் வியாழக்கிழமை வரை பிரதிஷ்டை செய்யப்பட்டன.
விநாயகர் சதுர்த்தியின்போது, பிரதிஷ்டை செய்யப்படும் சிலைகள் ஓரிரு நாள்களில் நீர் நிலைகளில் கரைக்கப்படும். திருவாரூர் மாவட்டத்தில் 272 விநாயகர் சிலைகளுக்கு அனுமதி வழங்கப்பட்டுள்ளது. திருவாரூர் மாவட்டத்தில் வியாழக்கிழமை வரை 186 விநாயகர் சிலைகள் பிரதிஷ்டை செய்யப்பட்டுள்ளன.
திருவாரூர் ஒன்றியப் பகுதிகளில் 15 சிலைகள் பிரதிஷ்டை செய்யப்பட்டன. இதில் ராதாநஞ்சை பகுதியில் வைக்கப்பட்ட விநாயகர் சிலைகள் சந்தன நதியிலும், குன்னியூர் பகுதி சிலைகள் பாண்டவையாற்றிலும், மாங்குடி, வடகரை பகுதி சிலைகள் வெள்ளையாற்றிலும், புலிவலம் பகுதி சிலைகள் வாழவாய்க்காலிலும், கீழகூத்தங்குடி பகுதி சிலைகள் காட்டாற்றிலும், அலிவலம் பகுதி சிலைகள் கடுவையாற்றிலும் வியாழக்கிழமை இரவு கரைக்கப்பட்டன. திருவாரூர் நகர பகுதியில் 37 சிலைகள் பிரதிஷ்டை செய்யப்பட்டுள்ளன. இந்த சிலைகள் செப். 15 -ஆம் தேதி கரைக்கப்படுகின்றன.