பாரதியார் நினைவு நாள் கூட்டம்

திருவாரூரில் தமிழ்நாடு கலை இலக்கியப் பெருமன்றம் சார்பில், மகாகவி பாரதியின் 87-ஆவது நினைவு நாள் கூட்டம் புதன்கிழமை நடைபெற்றது.
திருவாரூர் பேருந்து நிலையம் அருகே உள்ள திருவிக சிலை முன்பு வைக்கப்பட்டிருந்த பாரதியாரின் உருவப்படத்துக்கு மாலை அணிவித்து மரியாதை செலுத்தப்பட்டது. கூட்டத்துக்கு திருவாரூர் தொழிற்சங்க கூட்டமைப்பின் தலைவர் அழகிரி தலைமை வகித்தார். இதில் கலை இலக்கியப் பெருமன்றத்தின் துணைத் தலைவர் வி. தர்மதாஸ், செயலர் ரெகுபதி, பொருளாளர் குணசேகரன், கல்லூரி பேராசிரியர் அறிவழகன், நிர்வாகிகள் பாலதண்டாயுதம், கூடூர் குணா உள்ளிட்ட பலர் பங்கேற்றனர்.