மொபட் மீது வேன் மோதி விபத்து: மேலும் ஒருவர் சாவு

திருவாரூர் மாவட்டம், நீடாமங்கலம் அருகே மொபட் மீது வேன் மோதிய விபத்தில், மேலும் ஒருவர் செவ்வாய்க்கிழமை உயிரிழந்தார்.
நீடாமங்கலம் அருகே உள்ள வடகாரவயல் தென்பாதி கிராமத்தைச் சேர்ந்தவர் ஏகாம்பரம் (50). விவசாயி. இவர் மொபட்டில் கானூரைச் சேர்ந்த சங்கரன் (40) என்பவருடன் மன்னார்குடி நோக்கி கடந்த 6-ஆம் தேதி இரவு  சென்று கொண்டிருந்தார். ராயபுரம் பகுதியில் சென்றபோது, பட்டுக்கோட்டையிலிருந்து கும்பகோணம் நோக்கி வந்த வேன் ஒன்று மொபட் மீது மோதியது. இதில், ஏகாம்பரம் நிகழ்விடத்திலேயே உயிரிழந்தார். தஞ்சை அரசு மருத்துவக் கல்லூரி மருத்துவமனையில், சிகிச்சை பெற்று வந்த சங்கரன், செவ்வாய்க்கிழமை இரவு உயிரிழந்தார். நீடாமங்கலம் போலீஸார் வழக்குப் பதிந்து, விசாரணை மேற்கொண்டுள்ளனர்.