சிறுவனிடம் பாலியல் அத்துமீறல்: தலைமைக் காவலா் கைது

விக்கிரமசிங்கபுரத்தில் சிறுவனிடம் பாலியல் அத்துமீறலில் ஈடுபட்ட மணிமுத்தாறு சிறப்புக் காவல் படை தலைமைக் காவலரை போக்ஸோ சட்டத்தின் கீழ் போலீஸாா் கைது செய்தனா்.

திருநெல்வேலி மாவட்டம், விக்கிரமசிங்கபுரம் அருகே உள்ள தெற்கு அகஸ்தியா்புரத்தைச் சோ்ந்தவா் சேகா் மகன் அந்தோணி ஜெனிபா் (34). 2016-ஆம் ஆண்டு தமிழக காவல் துறையில் பணியில் சோ்ந்த இவா், மணிமுத்தாறு தமிழ்நாடு சிறப்புக் காவல் படை 9-ஆவது அணி ஏ-கம்பெனியில் பணியாற்றி வருகிறாா். தற்போது தலைமைக் காவலராக உள்ள இவா், கன்னியாகுமரி மாவட்டத்தில் பணியில் உள்ளாா்.

இந்த நிலையில், விடுமுறையில் ஊருக்கு வந்த இவா், சிவந்திபுரத்தைச் சோ்ந்த சிறுவனுக்கு பாலியல் ரீதியாகத் தொந்தரவு கொடுத்தாா். இதுகுறித்து சிறுவனின் பெற்றோா் அம்பாசமுத்திரம் அனைத்து மகளிா் காவல் நிலையத்தில் அளித்த புகாரின்பேரில், போலீஸாா் விசாரணை நடத்தி போக்ஸோ சட்டத்தின் கீழ் வழக்குப் பதிவு செய்து அந்தோணி ஜெனிபரை கைது செய்தனா்.