நெல்லை மாநகரில் 41 இடங்களில் மழைநீா் வடிகால் தூா்வாரல்

வட கிழக்குப் பருவமழை முன்னெச்சரிக்கை நடவடிக்கையாக திருநெல்வேலி மாநகரில் சுமாா் 41 இடங்களில் போா்க்கால அடிப்படையில் மழைநீா் வடிகால் ஓடைகளை தூா்வாரியுள்ளது மாநகராட்சி நிா்வாகம்.

இது தொடா்பாக மாநகராட்சி ஆணையா் மோனிகா ராணா வெளியிட்ட செய்திக் குறிப்பு: மழைக் காலங்களில் குடியிருப்பு பகுதிகளுக்குள் நீா் புகுவதை தடுப்பதற்கும், தொற்று நோய் பரவாமல் காப்பதற்கும், மழைநீா் தேங்கும் வடிகால் ஓடையை கண்டறிந்து தூா்வார உத்தரவிடப்பட்டுள்ளது.

அதன்படி, திருநெல்வேலி மாநகராட்சிக்குள்பட்ட 4 மண்டலங்களிலும் 41 இடங்களில் மழை நீா் வடிகால் ஓடைகள் பொக்லைன் இயந்திரம் மூலம் தூா்வாரப்பட்டது. மாநகரப் பகுதிகளில் பொது மக்களால் திறந்த வெளிகளிலும், வடிகால்களிலும் வீசப்படும்

நெகிழி பைகள், பாட்டில்கள் மழை நீா் செல்லும் பாதையில் உள்ள திறப்புகளை அடைத்து கொள்கின்றன. ஓடைகள் மற்றும் நீா் வழித்தடங்களின் கரைகளில் உள்ள ஆக்கிரமிப்புகளை அகற்றிட வேண்டும். கழிவுகளையும், கட்டட இடிபாடுகளையும் மழைநீா் வடிகால் ஓடைகளின் ஓரங்களில் கொட்டக்கூடாது. கழிவு நீா் இணைப்புகளை மழைநீா் வடிகாலுடன் சட்ட விரோதமாக இணைப்பதை தவிா்க்க வேண்டும்.

நீா்வழிகளை சீராக பராமரிப்பதன் மூலம் மட்டுமே வரவிருக்கும் பருவமழையை பாதுகாப்பாகவும், வெள்ள பாதிப்பின்றியும் எதிா் கொள்ள முடியும்.