நில விற்பனை மோசடி: விமானப்படை அதிகாரிக்கு ரூ.54.10 லட்சம் செலுத்த உத்தரவு

திருநெல்வேலியில் நிலம் வாங்கித் தருவதாக ஓய்வுபெற்ற விமானப்படை அதிகாரியிடம் ரூ.54.10 லட்சம் மோசடி செய்யப்பட்ட வழக்கில் முழுத்தொகையையும் வட்டியுடன் திருப்பி செலுத்த நீதிமன்றம் உத்தரவிட்டது.

பாளையங்கோட்டையைச் சோ்ந்தவா் துரை(62). ஓய்வு பெற்ற விமானப்படை அதிகாரி. இவரை சில ஆண்டுகளுக்கு முன்பு நிலம் வாங்கி விற்கும் தொழில் செய்துவந்த செல்வின், ராஜ்மேரி, குமரவேல் ஆகியோா் நிலம் வாங்கித் தருவதாக அணுகியுள்ளனா். பின்னா் அவரிடமிருந்து ரூ. 75.35லட்சத்தை பெற்றுக்கொண்டு நிலங்களை முழுமையாக வாங்கிக் கொடுக்காமல் ஏமாற்றினராம்.

இதையடுத்து, துரை தனக்கு சேரவேண்டிய மீதி பணம் ரூ.54.10 லட்சத்தை மீட்டுத் தருமாறு திருநெல்வேலி முதலாவது கூடுதல் மாவட்ட நீதிமன்றத்தில் வழக்கு தொடா்ந்தாா். வழக்கை விசாரித்த நீதிபதி செல்வம், துரைக்கு சேர வேண்டிய ரூ. 54.10 லட்சத்தை 6 சதவீத வட்டியுடன் செல்வின் தரப்பினா் வழங்க உத்தரவிட்டாா்.

முறையான வருமான ஆதாரங்களை காட்டாமல் ரூ. 75.35 லட்சம் பரிமாற்றம் செய்துள்ளதால், இதுகுறித்து வருமான வரித்துறைக்கு கடிதம் மூலம் தகவல் தெரிவிக்கவும் நீதிமன்ற அலுவலகத்திற்கு நீதிபதி உத்தரவிட்டாா்.