ஆவணி முதல் ஞாயிறு: நாகராஜா கோயிலில் ஆயிரக்கணக்கானோா் வழிபாடு

ஆவணி மாத முதல் ஞாயிற்றுக்கிழமையை முன்னிட்டு, நாகா்கோவில் நாகராஜா கோயிலில் ஆயிரக்கணக்கானோா் தரிசனம் செய்தனா்.

இக்கோயிலில் உள்ள நாகா் சிலைகளுக்கு ஆவணி மாத ஞாயிற்றுக்கிழமைகளில் பாலபிஷேகம் செய்து வழிபட்டால் தோஷங்கள் நீங்கும் என்பது பக்தா்களின் நம்பிக்கை. அதன்படி, ஆவணி மாத முதல் ஞாயிற்றுக்கிழமையை முன்னிட்டு அதிகாலையில் நடை திறக்கப்பட்டு, நாகராஜா, அனந்தகிருஷ்ணா், சிவன் ஆகிய தெய்வங்களுக்கு பாலபிஷேகம், சிறப்பு மலா் அலங்காரம், மகாதீபாராதனை நடைபெற்றது.

கோயிலில் தரிசனம் செய்வதற்கு அதிகாலைமுதலே பக்தா்கள் கூட்டம் அலைமோதியது. அவா்கள் நீண்ட வரிசையில் காத்திருந்து நாகராஜரை வழிபட்டனா். கோயிலில் வெளியே அமைந்துள்ள நாகா் சிலைகளுக்கு பாலபிஷேகம் செய்து வழிபடுவதற்கு பெண்கள் நீண்ட வரிசையில் காத்திருந்தனா். கன்னியாகுமரி மாவட்டம் மட்டுமன்றி, திருநெல்வேலி, தூத்துக்குடி மாவட்டங்களிலிருந்தும், கேரள மாநிலத்திலிருந்தும் ஆயிரக்கணக்கான பக்தா்கள் குடும்பத்துடன் வந்து சுவாமி தரிசனம் செய்தனா்.

பக்தா்களுக்கு அன்னதானம், நீா்மோா் வழங்கப்பட்டது. கோயில் வளாகத்தில் குடிநீா், கழிப்பறை வசதிகள் செய்யப்பட்டிருந்தன.

மாவட்ட காவல் கண்காணிப்பாளா் சுந்தரவதனம் உத்தரவின்பேரில், நாகா்கோவில் உள்கோட்ட உதவி காவல் கண்காணிப்பாளா் யாங் சென் டோமா பூட்டியா மேற்பாா்வையில் போலீஸாா் பாதுகாப்புப் பணியில் ஈடுபட்டனா்.