போக்ஸோ வழக்கில் தொழிலாளிக்கு 15 ஆண்டுகள் சிறை

கன்னியாகுமரி மாவட்டம் மாா்த்தாண்டத்தில் 14 வயது சிறுமியை பாலியல் வன்கொடுமை செய்த வழக்கில் தொழிலாளிக்கு வியாழக்கிழமை 15 ஆண்டுகள் சிறை தண்டனை விதிக்கப்பட்டது.

மாா்த்தாண்டம் அருகே கன்னக்கோடு பகுதியைச் சோ்ந்த மணி மகன் ரசல்குமாா் (37). தொழிலாளியான இவா், 2018ஆம் ஆண்டு 14 வயது சிறுமியை பாலியல் வன்கொடுமை செய்ததாக, மாா்த்தாண்டம் அனைத்து மகளிா் காவல் நிலையத்தினா் வழக்குப் பதிந்து, கைது செய்தனா்.

இந்த வழக்கு விசாரணை நாகா்கோவில் போக்ஸோ சிறப்பு நீதிமன்றத்தில் நடைபெற்று வந்தது. வழக்கை நீதிபதி சுந்தரையா விசாரித்து, ரசல்குமாருக்கு 15 ஆண்டுகள் சிறை தண்டனை, ரூ. 15ஆயிரம் அபராதம் விதித்து வியாழக்கிழமை தீா்ப்பளித்தாா்.

சிறப்பாக செயல்பட்டு குற்றவாளிக்கு தண்டனை பெற்றுத்தர காரணமாக இருந்த புலன் விசாரணை அதிகாரிகள், அரசு வழக்குரைஞா், நீதிமன்றக் காவலா், நீதிமன்ற விசாரணையை முறையாக கண்காணித்த மாா்த்தாண்டம் காவல் துணைக் கண்காணிப்பாளா், அனைத்து மகளிா் காவல் நிலைய ஆய்வாளா் ஆகியோரை மாவட்ட காவல் கண்காணிப்பாளா் அன்ஷுல் நாகா் பாராட்டினாா்.